အရိယာဝါဒဆိုတာ...

                                                        အရိယာဝါဒ

  

                                     အရိယာဝါဒဆိုတာ ရှင်းရှင်းလေးပါ။

                            အားလုံးကို စွန့်လွှတ်လိုက်တာ။

                            အရိယာတို့ရဲ့အလုပ်သည် စွန့်လွှတ်ခြင်းတခုပါပဲ။

    ရှင်မောဂ္ဂလာန်ကြီးကို ခိုးသာငါးရာရိုက်တာ “မင်းတို့ကွာ… ခိုးသားက ငါးရာတောင်၊ ငါ့ကို နှစ်ယောက်လောက်ရိုက်လည်း သေပါတယ်ကွာ, ကျန်တာတွေဖဲပေးပါ၊ မင်း ဝါးရင်းတုတ်ကလည်း ကြီးပါတယ် ကွာ,သေးသေးနဲ့ရိုက်လည်းရပါတယ်၊ ဒီနေရာမကောင်းပါဘူး,ဟိုနေရာကျမှရိုက်ပါ”လို့ ဘယ်အကြောင်းပြချက် မှ(တင်ပြတာ)မရှိဘူး။

    အရိယာတို့သည် အကြောင်းပြချက်မရှိပါဘူး ဘုရား…။

    အကြောင်းပြချက်တွေ တင်နေတာက, အရိယာမဟုတ်သေးတဲ့ပုဂ္ဂိုလ်သာ အကြောင်းတွေအမျိုးမျိုးပြတာ…။

    အရိယာဝါဒဆိုတာ လာချင်တဲ့ လောကဓံလာ၊ အဲဒီလောကဓံကို ဧည့်မခံဘူး၊ မကျေနပ်လို့ ဘက်မပြန်ဘူး။

    ဧည့်ခံလိုမှုကိုလည်း စွန့်လွှတ်ရတယ်၊

    ဘက်ပြန်လိုမှုကိုလည်း စွန့်လွှတ်ရတယ်၊

    "အရိယာဝါဒဆိုတာ စွန့်လွှတ်တဲ့ဝါဒ။"

    မကျေမနပ်နဲ့ စွန့်လွှတ်တာ မဟုတ်ပဲ ကြည်ကြည်ဖြူဖြူ စွန့်လွှတ်တာ၊

    ကြွေးကျန်ထားပြီး စွန့်လွှတ်တာ မဟုတ်ပဲ အကြွင်းအကျန်မထားပဲ အစွမ်းကုန် စွန့်လွှတ်တာ။

    "အဲဒါ အရိယာဝါဒပဲ။" (ကပ်ငြိတာအကုန်လုံးကို စွန့်လွှတ်တာ နိဗ္ဗာန်ပေါ့။)

အောင်လံဆရာတော်ကြီး၏ဩဝါဒ